Mинистерката за животна средина и просторно планирање Kаја Шукова и стручните лица на МЖСПП одржаа работен состанок со градоначалникот на општина Дојран Анго Ангов и со Петра Поп Ристова од Милеуконтакт, организација што ѝ обезбедува експертска поддршка на општината.
Целта на состанокот беше да ѝ се помогне на општина Дојран преку давање насоки за што поитна изработка на квалитетна Студијата за ревалоризација на природните вредности на споменикот на природата Дојранско Езеро и следствено и на Планот за управување со заштитеното подрачје. Тоа се двата основни документа што ќе овозможат подобра заштита на Езерото и ќе овозможат унапредување на одржливото управување со природниот ресурс.
Исто така, се разговараше и за начините како да се забрза реализацијата на проектот „Реконструкција и надградба на колекторскиот систем и пречистителна станица во општина Дојран“ за што Владата досега ѝ има доделено на општина Дојран средства во висина од 135 милиони денари, а што е од витално значење за заштитата на водите на Езерото.