МЖСПП

Објава на интерен оглас бр.1/2020 МЖСПП

Administrator MZSPP — Thu, 22 Oct 2020 12:00:37 +0000

Врз основа на член 48 став 4 од Закон за административни службеници („Службен весник на Република Македонија” бр. 27/14, 199/14, 48/15, 154/15, 5/16, 142/16 и 11/18 и „Службен весник на Република Северна Македонија“ бр. 275/19 и 14/20), како и Правилникот за систематизација на работните места во Министерството за животна средина и просторно планирање број 01-2372/1 од 03.05.2017 година, 01-1832/2 од 12.03.2018 година, 01-1832/6 од 02.04.2018 година, 01-3932/1 од 16.07.2019 година, 01-4222/1 од 31.07.2019 година, 01-4222/4 од 04.09.2019 година, 01-4222/5 од 07.10.2019 година, 01-4222/7 од 15.10.2019 година, 01-6478/3 од 30.12.2019, 01-7008/1 од 30.12.2019 година, 04-1604/1/1 од 02.03.2020 година, Министерството за животна средина и просторно планирање објавува:

Објава на интерен оглас бр.1/2020 МЖСПП

Официјално пуштање во употреба на мониторинг станица за квалитет на воздух во Гевгелија

Administrator MZSPP — Wed, 14 Oct 2020 11:14:43 +0000

Во четврток, 15 октомври 2020, година ќе се организира официјално пуштање во употреба на новата станица за мониторинг на квалитет на воздух. Церемонијата ќе се одржи пред самата станица која е лоцирана во непосредна близина на детска градинка „Детска радост“ – клон „Сончогледи“, на улицата Ристо Јанев во Гевгелија, со почеток во 12 часот.

Свои обраќања ќе имаат министерот за животна средина и просторно планирање Насер Нуредини, министерот за локална самоуправа Горан Милевски, шефот на Делегацијата на Европската Унија, Дејвид Гир и градоначалникот на општина Гевгелија Сашо Поцков.

Набавката на мониторинг станицата е реализрана во рамките на проектот „Развивање и имплементација на здравствен индекс за загадување на воздухот во прекуграничниот период“, финансиран од INTERREG IPA програмата за прекугранична соработка помеѓу Грција и – Република Северна Македонија 2014-2020.

Мониторинг станицата ќе биде дел од Државниот автоматски мониторинг систем за квалитет на амбиентен воздух, со кој управува Министерството за животна средина и просторно планирање.

Ги покануваме новинарите и фотографите да присуствуваат на настанот, при што задолжително е почитување на здравствените протоколи за организација на јавни настани (https://vlada.mk/protokoli-koronavirus), што подразбира одржување на растојание, задолжително носење на заштитни маски и дезинфекција.

ЈАВНА РАСПРАВА по Нацрт Планот за управување со Национален Парк Пелистерза период 2020-2030 година

Administrator MZSPP — Mon, 14 Sep 2020 11:59:30 +0000

Врз основа на член 101 од Закон за заштита на природата (“Сл. весник на РМ”, бр.67/04, 14/06, 84/07, 35/10, 47/11, 148/11, 59/12, 13/13 , 163/13, 41/14, 146/15, 39/16, 63/16 и 113/18) се организира:

ЈАВНА РАСПРАВА по Нацрт Планот за управување со Национален Парк Пелистер за период 2020-2030 година

Во согласност со законските барања, а со цел да се постигне поголема транспарантност и вклученост на јавноста, Министерството за животна средина и просторно планирање во соработка со Јавната Установа НП Пелистер, организираат јавна расправа по Нацрт Планот за управување со Национален Парк Пелистер на ден 25.09.2020 година (петок), од 12:00- 13:30 часотво Салата за состаноци на Советот на Општина Битола, на ул. „1-ви Мај“, бр. 61 Битола.

Воедно би сакале да Ве известивме дека ова е прв Нацрт-План за управување со Национален парк во нашата земја, каде (иако нема обврска се до влезот во ЕУ) изготвен е дополнителен План за НП Пелистер како идно Натура 2000 подрачје. Овој план е изработен во рамки на ЕУ Твининг проектот:„Зајакнување на капацитетите за ефективно спроведување на европското законодавство во областа на заштитата на природата”

За јавните расправи ќе се почитуваат здравствените протоколи за организација на јавни настани (https://vlada.mk/protokoli-koronavirus).

Нацрт Планот за управување со Национален Парк Пелистерза период 2020-2030 годинаможете да го сименте на следниов линк

Извештај за Стратегиска оцена на животната средина за План за управување со Национален парк „Пелистер“ 2020-2030