Сектор за индустриско загадување и управување со ризик

Oпис на дејноста и обврските на одделението:

• Одделението работи во остварувањето на програмските задачи и активности од областа  на индустриско загадување, запазувајќи ги законските рокови за спроведување на системот за интегрирано спречување и контрола на загадувањето.
• Разгледување и анализа на барањата за интегрирани еколошки дозволи.
• Изготвување на интегрирани еколошки дозволи, вршење на увид на лице место на исталацијата за која се изготвува интегрирана еколошка дозвола.
• Изготвува записници од состаноците и од теренските посети на инсталациите.
• Врши размена на податоци со други служби во министерството, особено со Државниот инспекторат за животна средина, државни органи, ЕЛС и невладини организации, одржува состаноци, јавни расправи, објавување на барањата, нацрт дозволите и издадените А/Б-ИЕД дозволи.

Во рамките на активностите на Одделението за ИСКЗ е и водењето на Регистар на издадени А/Б-ИЕД дозволи од страна на МЖСПП како и од страна на Општините во РСМ. Воедно, се разгледуваат и Б-ИЕД дозволите издадени од страна на ЕЛС. Доколку се утврдат недостатоци, се информираат надлежните органи во врска со истите, дава насоки за спроведување на процедурата за Б-ИЕД дозволи процесуирање на Б-дозволи за инсталации во заштитени подрачја или кога општината нема капацитет да ги процесуира истите.

Одделението за хемикалии и индустриски несреќи се занимава со две области поврзани со контролата на опасните хемикалии:

• Управување со одредени групи на хемикалии, и
• Спречување на хаварии со присуство на опасни супстанции.

Во смисла со управувањето со хемикалиите Одделението се занимава со изработка на мислења по барања за увоз/извоз на одредени хемикалии, како и опрема која содржи опасни хемикалии. Исто така, Одделението работи на управувањето со одредени групи на хемикалии (супстанции што ја осиромашуваат озонската обвивка, перзистентни органски загадувачи, жива) започнувајќи од подготовка на стратешки документи до конкретни акции за мониторинг, контрола, редукција и елиминација на овие групи на хемикалии.

Спречувањето на хаварии со присуство на опасни супстанции се однесува на имплементација на Поглавјето XV од Законот за животна средина. Одделението врши работни задачи врз основа на конкретни упатства и насоки кои се однесуваат на подготвителните работи од доменот на спречување на хавариите. Во оваа смисла Одделението врши евиденција на инсталациите кои работат со одредени количества на хемикалии, се ажурира базата на податоци на инсталации/системи кои складираат/аплицираат опасни супстанции.

Покрај ова, Одделението ги прави сите подготовки (Прирачник за подготовка на извештај за мерки за безбедност, Водич за подготовка и инспекција на извештајотмерки за безбедност со систем на листи за проверка) за непречена евалуација и инспектирање на клучните документи поврзани со превенција на индустриските несреќи кои инволвираат опасни супстанции.

Одделението  работи  во  делот кој го опфаќа процесот на управување со аерозагадувњето што е во надлежност на министерството и управувањето со органски испарливите материи

Oпис на дејноста и обврските на одделението:

Oдделението, работи во имплементација на законските одредби во делот кој го опфаќа процесот на управување со аерозагадувњето што е во надлежност на министерството и управувањето со органски испарливите материи. 
Врши евиденцијата на инсталациите кои работат со органски испарливи материи, го следи процесот на имплементација на обврските кои проилзегуаат прометот на органски испарливи материи. 
Работи на  програмските задачи и активности во овие области, 
Соработува со другите организациони облици во министерството, со државните органи, со научните и стручните институции и со невладините организации од земјата и странство, 
Работи во изготвувањето на научно-стручни студии и елаборати. 
Одделението работи во донесувањето на  предмети во управна постапка