Согласно Законот за животна средина, од 1 Јануари 2006 година почна имплементацијата за новите законски обврски за индустријата, а кои се однесуваат на Интегрирано спречување и контрола за загадување. Овој систем на дозволи е опфатен со две глави во законот, глава XII - Интегрирани Еколошки Дозволи и глава XIV - Дозволи за усогласување со оперативни планови.
Рокот за поднесување на барања за А интегрирана еколошка дозвола веќе започна и првото шестомесечје се однесува на инсталациите за производство и преработка на метали, како и за штавење кожа (01.01.2006 до 01.07.2006).
Распоредот за поднесување на барања за А интегрирана дозвола за целата индустрија е определен со Уредбата за определување на активностите на инсталациите за кои се издава интегрирана еколошка дозвола односно дозвола за усогласување со оперативен план и временски распоред за поднесување на барање за дозвола за усогласување со оперативен план (Сл.Весник 89/05).
Операторите на постоечките инсталации треба да поднесат барање за дозвола за усогласување со оперативен план. Видот на документот (А или Б) зависи од капацитетот на инсталацијата. За нови инсталации се поднесува барање за интегрирана еколошка дозвола.
ОБЈАВА на барање за добивање дозвола за усогласување со оперативен план
Уплата на надоместокот за поднесување на барањето за добивање на дозвола за усогласување со оперативен план или поседување на дозволата.
Уплатата се врши на Министерство за животна средина и просторно планирање:
Трезорска сметка ( депонент НБ на РМ ) 1000 000 000 630 95
На ж.сметка. 1210115202 631 – 10
Програма C Подпрограма С1
Приходно конто 718 136
ЕМБС – 52 62 887