Врз основа на член 47 став (5) од Законот за управување со отпадот („Службен весник на Република Северна Македонија“ бр. 216/2022), Министерството за животна средина и просторно планирање објавува јавен повик за доставување на документација за избор на правни лица за издавање на ОВЛАСТУВАЊЕ за вршење на обука за полагање за управител и виш управител со отпад .
За стекнување на овластување за вршење на обука за полагање за управител за отпад и виш управител со отпад се поднесува барање на пропишан образец, достапен на веб-страната на Министерството за животна средина и просторно планирање.
Кон барањето, задолжително се приложуваат следните документи:
- простор опремен за одржување на обука;
- технички капацитети за спроведување на обука;
- курикулум наменет за обука и
- најмалку три лица ангажирани за спроведување на обуката со минимум 10-годишно искуство од областа на техничките и природните науки, а поврзано со управување со отпад.
Документите се доставуваат во оригинал или копија заверена на нотар, заедно со доказите за исполнување на критериумите, во архивата на Министерството за животна средина и просторно планирање на адреса на Плоштад „Пресвета Богородица“ бр. 3, Скопје, Република Северна Македонија, во затворен плик со назнака: до Сектор за правни и општи работи.