По повод одбележувањето на 100 годишнината од постењето на Пивара Скопје, министерот за животна средина и просторно планирање Насер Нуредини присуствуваше на денешната сесија што менаџментот на Пивара ја посвети на достигнувањата на оваа компанија во заштитата на животната средина и успешното партнерство со институциите, колективните постапувачи со отпад и други пријатели на животната средина.
Во присуство на високи претставници на управувачката структура, меѓу кои и главниот извршен директор на Групацијата Coca-Cola HBC AG Зоран Богдановиќ и извршниот директор за Европа во HEINEKEN Димитар Алексиев, министерот Нуредини упати честитки за јубилејот и им посака уште долги години успешна работа како компанија што посветува посебно внимание и инвестира во заштита на животната средина, особено во справувањето со отпадот од пакување.
„Чекорењето по тој пат на успешно постигнување на заедничките еколошки цели бара градење на силни партнерства“, порача Нуредини, нагласувајќи дека само со интерактивна соработка и размена искуства, идеи и иницијативи може да се постигнат видни резултати во справувањето со отпадот.
