Ministri i Mjedisit Jetësor dhe Planifikimit Hapësinor, Naser Nuredini, me rastin e shënimit të 100 vjetorit të Birrarisë së Shkupit, mori pjesë në sesionin e sotëm që menaxhmenti i birrarisë ia kushtoi të arriturave të kësaj kompanie në mbrojtjen e mjedisit jetësor dhe partneritetit të suksesshëm me institucionet, vepruesit kolektivë me mbeturinat dhe miq të tjerë të mjedisit jetësor.
Në prani të përfaqësuesve të lartë të strukturës së menaxhimit, përfshirë edhe Drejtorin Ekzekutiv të grupacionit Coca-Cola HBC AG Zoran Bogdanoviq dhe Dimitar Alexiev Drejtor Ekzekutiv për Evropën në HEINEKEN, ministri Nuredini i uroi përvjetorin dhe shumë vite të tjera të suksesshme si kompani që i kushton vëmendje të veçantë dhe investon në mbrojtjen e mjedisit jetësor, veçanërisht në trajtimin e mbeturinave nga paketimi.
“Ecja nëpër atë rrugë të arritjes me sukses të qëllimeve të përbashkëta mjedisore kërkon ndërtimin e partneriteteve të forta”, tha Nuredini, duke theksuar se vetëm me bashkëpunim interaktiv dhe shkëmbim të përvojave, ideve dhe iniciativave mund të arrihen rezultate të dukshme në trajtimin e mbeturinave.