(24.03.2016г) Министерот за животна средина и просторно планирање Нурхан Изаири и градоначалникот на општина Пробиштип, Тони Тоневски денеска, потпишаа договор за финансирање на проектите: „Водоснабдување на с.Турско Рударе“ и „Доизградба на систем за водоснабдување на с.Кундино“.
По потпишувањето на договорите, министерот Изаири и државниот секретар во Министерството, д-р Соња Лепиткова го изразија своето задоволство што со реализација на овие проекти ќе се подобри водоснабдувањето во овие населени места и воедно ќе се реши долгогодишниот проблем со чиста вода за пиење со кој се соочуваат граѓаните од општината.