Заменик министерката за животна средина и просторно плaнирање Христина Оџаклиеска, денеска, учествуваше на состанокот на претставниците на Секторот за просторно планирање при МЖСПП со претставниците од Македонското еколошко друштво и професорите од Архитектонскиот и Шумарскиот факултет при УКИМ, на кој се дискутираше за напредокот во изготвувањето на новиот Закон за просторно планирање.
Заменик министерката Оџаклиеска, на состанокот изрази задоволство што изработката на законот е во напредна фаза, како и од соработката со МЕД и со експертите – При тоа Оџаклиеска ја потенцираше важноста од инкорпорирањето на концептот на зелена инфраструктура во законското решение.