Министерката за животна средина и просторно планирање Каја Шукова одржа билатерална средба со заменик-претседателката на European Investment Bank Лилјана Павлова и членовите на делегацијата што таа ја предводеше, а по под потпишувањето на Договорот за грант средства за пречистителната станица за отпадни води за градот Скопје.
На средбата се дискутираше за конкретни прашања поврзани со начинот на спроведување на Договорот при што се стави фокус на следни чекори и обврски што треба да ги преземе и реализира Министерството за животна средина и просторно плнирање. Од страна на претставниците на ЕИБ беше истакнато дека тимот за техничка поддршка на Банката е подготвен да ја започне инвестициската програма за водна инфраструктура и на потребата МЖСПП да воспостави подиректна комуникација со канцеларијата на ЕИБ.
Исто така, се укажа на потребата Министерството да воспостави поинтензивна комуникација и со останатите институции што беа вклучени во минатиот циклус на спроведување на финансиската подршка од страна на Банката. Согласно високата важност на овој проект за нашата држава, министерката Шукова детално ги елборираше предвидените чекори и утврдувањето на реалната временска рамка на реализација и исполнување на очекувањата.