Сектор за води

Основен законски пропис со кој е уредена оваа областа води е Законот за водите (“Службен весник на Република Македонија” бр. 87/08, 6/09, 161/09, 83/10, 51/11 и 44/12 ) и подзаконските акти донесени врз основа на Законот за води . Законот за водите е рамковен закон кој ги регулира основните принципи и начела за управување со водните ресурси. Законот е направен според теркот на западно европските закони, со цел да се воспостави една општа правна рамка за регулирање на областа на управување со водите на интегриран и сеопфатен начин. Притоа управувањето со водите ги опфаќа сите мерки и активности за рационално и ефикасно користење на водите, одржливиот развој на водните ресурси, заштита на водите и заштита од штетно дејство на водите. Потребата од интегриран пристап при подготовката на Рамковниот Закон за води, произлегува од фактот што аспектите на управувањето и аспектите на заштитата се суштински поврзани и истите неможат да се регулираат пооделно без да се води сметка за нивната меѓусебна поврзаност. Така, оваа материја се фокусира врз три области и тоа: користење на водите, заштита на водите и контрола на загадувањето и заштита од штетното дејство на водите. Во него директно се пренесени барањата од следните директиви на ЕУ од областа на управувањето со водните ресурси:

- Рамковната директива за води,

- Директивата за квалитет на водата наменета за консумирање од страна на човекот,

- Директивата за квалитет на водата за капење,

- Директивата за третман на комунални отпадни води,

- Директивата за искористување на милот добиен со пречистување на отпадни води, и

- Директивата за заштита на водите од загадување предизвикано од нитрати од земјоделски извори.

Основните цели на законот се: да се обезбедат доволни количества квалитетна вода; да се обезбеди заштита, зачувување и континуирано подобрување на режимот на водите, да се подобри состојбата на водните екосистеми и екосистемите зависни од вода и да се заштити и унапреди водната средина преку рационално користење на водите, прогресивно намалување на штетните испуштања и постепено елиминирање на емисиите на опасни супстанции, како и ублажување на последиците од штетното дејство на водите и од недостигот на вода. Сепак содржината на законот со тоа не е целосно опфатена. Иако директивите на ЕУ од областа на управувањето со водните ресурси не содржат специфични барања, заради интегрираниот пристап при регулирањето на оваа област, потребно е во законската рамка интегрирање на ефективни одредби со кои ќе се регулира правото на физичките и правните лица да користат води, да испуштаат отпадни води односно испуштаат и фрлаат на материи и супстанции во површински и подземни води, како и да вадат песок, чакал и камен од коритата и бреговите на површински водни тела. Флексибилноста на Европското законодавство дозволува ова прашање да се регулира со почитување на уставно- правната рамка и законодавната пракса на државите.

Линк до Законската регулатива: http://www.moepp.gov.mk/?page_id=654

Програмата за управување со водите за 2019 година
јануари 22, 2019

Врз основа на член 218 став (1) од Законот за водите (Службен весник на Република Македонија бр. 87/08, 6/09, 161/09, 83/10, 51/11, 44/12, 23/13, 163/13, 180/14, 146/15 и 52/16) Владата на Република Македонија на седницата одржана на 8.1.2019 година донесе ПРОГРАМА ЗА УПРАВУВАЊЕ СО ВОДИТЕ ЗА 2019 ГОДИНА.

Програма за управување со водите за 2019 година објавена е во Службен весник на Република Македонија бр. 5/19 од 11.1.2019 година

Основни документи за планирање и развој на управувањето со води во Република Македонија се:

1) Националната стратегија за води;

2) Водостопанската основа на Република Македонија и

3) Планови за управување со речни сливови.

1) Со Националната стратегија за води се определува долгорочната политика со која особено се обезбедува:

- одржливиот развој на водите преку задоволување на потребите на сите корисници со квалитетна вода во доволни количества; -рационално и економично користење на водите;

- заштита на водите од загадување и контрола на загадувањето;

- заштита и подобрување на крајбрежното земјиште и водните живеалишта и

- заштита и ублажување на последиците од штетното дејство на водите и недостигот од вода.

Линк до документот: http://www.moepp.gov.mk/?page_id=3197

2) Заради интегрирано планирање и спроведување на програмите и мерките за развојот на водите во согласност со целите на националниот одржлив развој и усогласување на економскиот развој, социјалниот напредок  и заштитата на животната средина, како и реализација на Националната стратегија за води се донесува Водостопанска основа на Република Македонија

3) За секој речен слив се изработува план за управување со речен слив за период од шест години.

Планот за управување со речен слив ги содржи особено следниве елементи: – опис на карактеристиките на речниот слив; – приказ на значителните притисоци и влијанија врз состојбата на површинските и подземните води предизвикани од човековите активности; – информации и картографски прикази на регистрираните заштитни зони; – информации и картографски прикази за активностите за мониторинг на состојбата на водите и програмите за мониторинг; – листа на цели на животната средина за секое водно тело во речниот слив, вклучувајќи ги информациите за отстапувањата направени во согласност со овој закон, означувањето на вештачките и силно изменетите површински води. Информациите ги содржат планираните и преземените мерки заради подобрување на квалитетот на водите и постигнување на целите на животната средина; – економска анализа за користењето на водите, вклучувајќи и извештај за примената на начелото корисникот плаќа; – програма на мерки заради постигнување на целите на животната средина; – подетални програми и планови за управување со водите на речните сливови и подсливовите; – програма за заштита од штетно дејство на водите, како и основните мерки за заштита од поплави; – опис на активностите и резултатите од учеството на јавноста при подготвување на планот; – листа на органи и институции надлежни за водите во речниот слив; – начин на кој информациите и документите во врска со изработката и имплементацијата на планот се достапни за јавноста; – остварување на обврските преземени со меѓународни договори кои се однесуваат на управувањето со водите ратификувани од Република Македонија и – други работи определени од министерот кој раководи со органот на државната управа надлежен за вршење на работите од областа на животната средина.

Активностите во делот на управувањето со водите се насочени кон постигнување на „добра состојба” на сите води во определен временски период, и во која се содржани барања за примена на интегрираниот пристап при и управување со водите на ниво на речен слив и тоа како во поглед на квантитетот така и во поглед на квалитетот. Концептот на законот го претставува интегрираниот и сеопфатен пристап за постигнување на стратешката определба за чиста вода на ниво на целата територија. Целите на сите активности е насочена кон: заштита, зачувување и постојано подобрување на состојбата на водните екосистеми и водните живеалишта, промоција на одржливото користење на водата засновано врз долгорочна заштита на водните ресурси, унапредување на заштитата од штетните испуштања и редукција на загадувањето на подземните води, ублажување на последиците од штетното дејство на водите и недостигот на вода, како и исполнување на обврските од меѓународните договори. Клучно барање на законот е управувањето со водите на ниво на речен слив што подразбира употреба, планирање, како и заштита од и на сите површински и подземни води на ниво на географски и хидрографски единици. Централен елемент на управувањето со водите на ниво на речен слив, е изготвувањето на плановите за управување на речните сливови. Со цел да ја промовира рационалната употреба на водите, законот утврдува обврска за надомест на сите трошоци, и тоа: трошоците за животната средина и трошоците за ресурсот.

Извештај за состојбата со заштитата на Светското наследство – Природно и културно наследство на Охридскиот регион (16.11.2022г.)

Извештајот за состојбата со заштитата на Природното и културното наследство на Охридскиот регион и напредокот во спроведувањето на препораките од Одлуката на Комитетот за светско наследство (44 COM 7B.77)

Twinning project_Final report_Strengthening the capacities for effective implementation of the acquis in the field of water quality

План за управување и заштита од ризик од поплави во сливот на река Треска

Методологија за утврдување на миниминален проток на површински водотеци и минимално ниво на подземни води

План за управување и заштита од ризик од поплави на сливот на река Лепенец

Bregalnica River Basin Management Project – Final Version of August 26, 2016

Initial Characterisation of Lakes Prespa, Ohrid and Shkodra/Skadar – Main Report

Initial Characterisation of Lakes Prespa, Ohrid and Shkodra/Skadar – Volume of Annexes

ПРЕГЛЕД НА TEКОВНИ ДОНАТОРСКИ ПРОЕКТИ ВО СЕКТОРОТ ВОДИ

Барање за издавање на Дозвола за користење на подземна вода за потребите на “Џоле Транс Коп ” Дооел ул. Руен 1Б Штип, со бр.УП1-11/5-580 од 18.03.2024г.

Барање за издавање на Дозвола за користење на подземна вода за потребите на ДТУ “Кувајт Петрол-Оил” Дооел Студеничани со бр.УП1-11/5-582 од 18.03.2024г.

Барање за издавање на Дозвола за користење на подземна вода за ТДПУ “Бакалески Промет” Дооел с.Славеј, Кривогаштани со бр.УП1-11/5-177 од 29.01.2024г.

Барање за издавање на Дозвола за испуштање напречистени урбани отпадни и индустриски води како  и атмосферски води од ТИРЗ Скопје 2

Барање за издавање на дозвола за користење на вода за индистриски, технолошки и стопански потреби од експлоатационен бунар ЕДБ-1 на КП бр. 870/1 КО Амзабегово-Вонград, општина Свети Николе

Барање за продолжување на Дозволата за зафаќање и користење на вода од извор Студенчица

Барање за издавање на дозвола за користење на вода за технолошки потреби од експлоатациони дупнатини КБ-1 и КБ-2 лоцирани во кругот на фабриката на КП бр.853 и 856 КО Орешани во с. Орешани, општина Зелениково

Барање за издавање на Дозвола за користење на вода од канал за наводнување кој се полни со вода од река Студенчица

Барање за издавање на дозвола за користење на вода од Слупчанска река и изградба на брана и акумулација на река Слупчанска во општина Липково