Врз основа на член 65, став (6) од Законот за животната средина средина (Службен весник на РМ бр. 53/05, 81/05, 79/06, 101/06; 109/06, 24/07, 159/08, 83/09, 161/09, 1/10, 48/10, 124/10, 51/11, 123/12, 93/13, 187/13, 42/14, 44/15, 129/2015, 192/2015, 39/16, 28/18, 65/18, и Службен весник на РСМ бр. 99/18, 176/21, 216/21, 89/22, 99/22, 171/22, 3/25, 124/25, 191/25) и член 2 и 3 од Уредбата за учество на јавноста во текот на изработката на прописи и други акти како и планови и програми од областа на животната средина (Сл.весник на Република Северна Македонија 147/08, 45/11), Министерството за животна средина и просторно планирање го дава следното:
ИЗВЕСТУВАЊЕ
Согласно обврските дадени во член 65 од Законот за животна средина (Службен весник на РМ бр. 53/05, 81/05, 79/06, 101/06; 109/06, 24/07, 159/08, 83/09, 161/09, 1/10, 48/10, 124/10, 51/11, 123/12, 93/13, 187/13, 42/14, 44/15, 129/2015, 192/2015, 39/16, 28/18, 65/18, и Службен весник на РСМ бр. 99/18, 176/21, 216/21, 89/22, 99/22, 171/22, 3/25, 124/25, 191/25), Министерството за животна средина и просторно планирање донесе Одлуки за спроведување на стратегиска оцена на животната средина (СОЖС) (Арх.бр.10-2833/1 и 10-2834/1 од 24.08.2026 год) за нацрт планските документи Национален план за заштита на амбиентниот воздух за период 2027-2031 година и Национална програма за контрола на загадувањето на воздухот за период 2027 – 2037 за Република Северна Македонија. Согласно одлуките, отпочнато е спроведување на процедури за стратегиска оцена на животната средина за споменатите плански документи и подготвени се нацрт СОЖС извештаи.
Како органи засегнати од имплементацијата на планскиот документ, Национален план за заштита на амбиентниот воздух во Република Северна Македонија за период 2027-2031 година се определуваат: Министерство за животна средина и просторно планирање, Министерство за енергетика, рударство и минерални суровини, Министерство за транспорт, Министерство за здравство, Министерство за земјоделство, шумарство и водостопанство, Министерство за финансии, Институт за јавно здравје (ИЈЗ), Министерство за образование и наука (МОН), Државен инспекторат за животна средина, државни инспекторати поврзани со релевантните министерства, Локални инспекторати за животна средина, ЗЕЛС, Државен завод за статистика, Единици на локална самоуправа (Општини) и Градот Скопје, население/јавност, транспортен сектор, сектор за производство на електрична и топлинска енергија, индустрија, лаборатории за животна средина, регионални и локални невладини и стручни организации, стопанските комори, научен сектор од областа на заштита на животна средина итн.
Нацрт планските документи заедно со нацрт извештаите за СОЖС се достапни за јавен увид на интернет страната на МЖСПП (https://moepp.gov.mk) во текот на периодот за јавен увид. Јавниот увид ќе трае 30 (триесет) денови од денот на објавувањето на соопштението.
Согласно обврските, за нацрт планските документи и извештаите за СОЖС ќе биде организирана јавна расправа на која предметните документи ќе бидат презентирани и дискутирани, за што ќе следи дополнителна информација за датум, време и место на одржување на настанот. За јавниот увид ќе биде подготвен извештај од консултацијата со јавноста и истиот ќе биде објавен на интернет страницата на МЖСПП: www.moepp.gov.mk.
Сите коментари поврзани со нацрт планските документи и нацрт извештаите за стратегиска оцена може да се достават на следниот начин:
- електронски на следната email адресa: A.Stefanovska@moepp.gov.mk,
- по пошта на следната адреса: Плоштад Пресвета Богородица бр. 3, Скопје, (со назнака до Македонски информативен центар за животна средина).