Министерството за животна средина и просторно планирање ја информира јавноста дека јавната расправа за Скопскиот плански регион по Нацртот на Просторниот план на Република Северна Македонија до 2040 година, која беше најавена за 11 ноември 2026 година, се презакажува за 13 ноември 2026 година.
Јавната расправа ќе се одржи на:
📅 13 ноември 2026 година
🕚 11:00 часот
📍 Сала на Советот на Град Скопје
Јавната расправа се организира во рамки на циклусот регионални јавни расправи по Нацртот на Просторниот план на Република Северна Македонија до 2040 година.
Целта на јавната расправа е претставување на Нацрт-планот и активно вклучување на институциите, единиците на локалната самоуправа, стручната јавност, засегнатите страни и граѓаните.
Јавната расправа претставува можност за запознавање со предложените плански решенија и за доставување мислења, предлози и забелешки при подготовката на овој значаен стратешки документ за просторниот развој на државата.
Ги покануваме сите заинтересирани да земат учество и да дадат свој придонес во планирањето на идниот просторен развој на Република Северна Македонија.
Линк до Нацрт Просторниот план на Република Северна Македонија 2040:
https://drive.google.com/file/d/1yR9hCAzFBwPCpxwXsRcnxiGUgRNoyt0J/view