Денес,во просторите на Министерството за животна средина и просторно планирање на Заменик министерката за животна средина и просторно плaнирање, Ане Лашкоска одржа средба со Н.Е. Кавахара Сецуко, вонреден и ополномоштен амбасадор на Јапонија во нашата држава.
На средбата се разменија информации за имплементацијата на Конвенцијата за регулирање на меѓународна трговија со загрозени видови на дива фауна и флора (CITES), особено за заштитата и регулирање на меѓународната трговија на слатководните јагули, во кои се вклучени европската и јапонската јагула.
Покрај ова се разговараше за предлогот на ЕУ, за вклучување на слатководните јагули на додаток II на CITES и зголемување на степенот на заштита на Европската јагула преку префрлување од додаток II на додаток I на CITES.
Активностите се поврзани со претстојната 20 Конференција на договорните страни на CITES, која ќе се одржи од 24.11 - 05.12.2025 година во Узбекистан, а на која земјите членки на CITES ќе гласаат за наведените предлози.