Zëvendësministrja e Mjedisit Jetësor dhe Planifikimit Hapësinor Hristina Oxhaklieska sot në oborrin e Institutit për Patofiziologji dhe Mjekësi Bërthamore mori pjesë në prezantimin e rezultateve të projektit “Pyjet e vogla urbane”.
Projekti u zbatua nga OJQ “Planeti i Gjelbër për të Gjithë”, në bashkëpunim me Ministrinë e Mjedisit Jetësor dhe Planifikimit Hapësinor, e cila njohu përfitimet e përdorimit të metodës së krijimit të pyjeve të vogla urbane dhe ndau fonde përmes Programit të Investimeve Mjedisore për vitin 2021 dhe partnerët ISHP Instituti i Patofiziologjisë dhe Mjekësisë Bërthamore “Isak Taxher” dhe Qendra e Kopshtit “Foja”.
Zëvendësministrja Oxhaklieska në fjalën e saj iu referua faktit se zgjerimi i ndërtimit në zonat urbane zvogëlon hapësirën për sipërfaqet e gjelbra rreth ndërtesave, rrit ndotjen e ajrit, zvogëlon ajrosjen natyrale dhe kapacitetin e natyrës për të absorbuar gazrat e dëmshëm, megjithatë edhe se ka zgjidhje që plotësojnë gjelbërimin siç janë kopshtet e çatisë së gjelbër dhe pyjet e tilla të vogla urbane “Pyje xhepi”.
- Sot Shkupi merr pyllin e parë të vogël urban në Ballkan. Kjo është bërë e mundur nga metoda e prezantuar nga botanisti japonez Akira Mijavaki, bazuar në rehabilitimin e zonës me varietete indigjene të pemëve dhe shkurreve, dhe përfitimet njihen dhe konfirmohen nga Organizata e Ushqimit dhe Bujqësisë e Kombeve të Bashkuara. Pres që kjo oaz e vogël e gjelbër të jetë shembull i mirë dhe i shumëfishuar i peizazhit në qytetet tona sepse ofron përfitime të shumëfishta për një periudhë shumë të shkurtër kohore – tha zëvendësministrja Oxhaklieska.
Në kuadër të aktivitetit, në oborrin e Institutit u organizua një vizitë në pyllin Mijavaki, ku morën pjesë disa mysafirë të rangut të lartë, ndër të cilët zëvendësministri i Shëndetësisë, Vladimir Rendevski dhe ambasadori i Japonisë në Republikën e Maqedonisë së Veriut., E.T Hironori Savada, i cili gjithashtu inspektoi pajisjet mjekësore të blera nëpërmjet “Programit të Grantit për Projekte të Vogla” japoneze (GGP), një pajisje eho që përdoret prej dy vitesh dhe ofron një formë moderne të diagnostikimit me ultratinguj, me qëllim që të shmangen komplikimet tek pacientët me sëmundje të tiroides.
