Në vizitën e sotme të parë protokollare, ambasadori austriak E.T. Georg Vutsas ka uruar ministren e sapoemëruar të Mjedisit Jetësor dhe Planifikimit Hapësinor Kaja Shukova për pozitën e re.
Ministrja Shukova shprehu mirënjohjen e saj për mbështetjen e mëparshme të Austrisë për vendin tonë në mbrojtjen e mjedisit dhe veçanërisht për bashkëpunimin dhe ndihmën e mirë në procesin e integrimit evropian.
Шукова-Вуцас: Животната средина се повисоко котира во државните агенди
Në fokus të bisedës ishte Agjenda e Gjelbër për Ballkanin Perëndimor, për realizimin e së cilës Republika e Maqedonisë së Veriut mbetet plotësisht e përkushtuar dhe për të cilën për momentin Agjencia Austriake e Mjedisit po investon rreth 11 milionë euro përmes një projekti rajonal të financuar nga BE-ja.
Në takim, Shukova dhe Vutsas u pajtuan se sektori privat është partner aktiv në zbatimin e masave dhe aktiviteteve për mbrojtjen dhe përmirësimin e mjedisit. Në këtë kontekst, ambasadori Vucas e ftoi ministren Shukova që të mbajë fjalim në Forumin Ekonomik në Shkup më 29 mars, i cili ka për qëllim nxitjen e bashkëpunimit ndërmjet kompanive të njohura austriake dhe institucioneve dhe kompanive shtetërore të Maqedonisë në fushën e mbrojtjes së mjedisit jetësor dhe përmirësimin e mundësive për investime në projekte kapitale.
Gjatë bisedës, të dy palët shkëmbyen përvoja për nxitjen e bashkëpunimit ndërkombëtar në fushën e mjedisit, i cili sot, si asnjëherë më parë, është renditur lart në agjendat strategjike të qeverive të dy vendeve.