Ministrja e Mjedisit Jetësor dhe Planifikimit Hapësinor Kaja Shukova ka zhvilluar një takim me Zëvendës Udhëheqësen e Misionit të Mbretërisë së Bashkuar në Republikën e Maqedonisë së Veriut, Julia Smith, ku janë diskutuar përshtypjet dhe përvojat nga Konferenca e përfunduar e Palëve të Konventës Kornizë të OKB-së për Ndryshimet Klimatike, e cila u mbajt muajin e kaluar në Dubai, Emiratet e Bashkuara Arabe.
Në takim, ministrja Shukova informoi për aktivitetet e delegacionit të Maqedonisë në konferencë dhe për aktivitetet vijuese në drejtim të përmbushjes së konkluzioneve të konferencës.
Së bashku u konstatua se ballafaqimi me ndryshimet klimatike dhe kujdesi për një mjedis të shëndetshëm është një sfidë për të gjithë dhe se kërkon aktivitete në shumë sektorë të ndërlidhur, si dhe një nivel të lartë ndërgjegjësimi, për të cilin bashkëpunimi do të vazhdojë dhe do të thellohet.