Ministrja e Mjedisit Jetësor dhe Planifikimit Hapësinor Kaja Shukova dhe Sekretari Shtetëror në Ministri Nebi Rexhepi pritën përfaqësuesit e komuniteteve lokale Konjare e Epërme dhe e Poshtme, komuna e Petrovecit, të cilët reaguan për aktivitetet e nxjerrjes së rërës, zhavorrit dhe gurit nga shtrati i lumit Pçinja në afërsi të vendbanimeve. Reagimet e tyre bazohen në dyshimin se gërmimet nuk përmirësojnë shtratin e lumit, por shfrytëzojnë rërën dhe zhavorrin.
Ministrja Shukova u premtoi se Ministria do të kërkojë nga SHA Ujësjellës ndërprerjen e të gjitha aktiviteteve derisa të rishikohen procedurat dhe nevoja për rregullimin e shtratit të lumit.