Zëvendësministrja e Mjedisit Jetësor dhe Planifikimit Hapësinor, Hristina Oxhaklieska, sot ka pasur një takim pune me u.d. dekanen e Fakultetit të Teknologjisë dhe Metalurgjisë, prof.dr Biljana Angjusheva. Në këtë takim u diskutua për aplikimin e teknikave më të mira të disponueshme në shoqërinë tonë, si dhe për nevojën e braktisjes së shpejtë të parimeve të teknologjisë së vjetër ndotëse, emetimet e gazrave të dëmshëm të së cilës përbëjnë një problem serioz dhe ndotësin më të madh të mjedisit të punës dhe të jetesës në vendin tonë dhe në botë.
Zëvendësministrja Oxhaklieska gjatë kësaj e theksoi nevojën për krijimin dhe aplikimin e politikave të gjelbra, përdorimin dhe futjen e teknologjive të reja dhe bashkëpunimin maksimal me komunitetin shkencor, me qëllim të arritjes së “Agjendës së Gjelbër”, si një qasje e re për zhvillimin dhe restaurimin e qëndrueshëm ekonomik të eko-sistemeve natyrore.
Në takim, bashkëbiseduesit shprehën vendosmërinë e përbashkët për thellimin e bashkëpunimit të Ministrisë së Mjedisit Jetësor dhe Planifikimit Hapësinor dhe Fakultetit Teknologjik dhe Metalurgjik, në të njëjtën kohë duke theksuar rëndësinë e mbështetjes institucionale për praktikat e qëndrueshme në Republikën e Maqedonisë së Veriut në funksionin e inkurajimit të zhvillimit të qëndrueshëm dhe ndërtimit të një ekonomie të qëndrueshme, të gjelbër dhe rrethore.