Соопштенија

Во однос на реализацијата на проектот „ Регулација на речно корито на Сува Река во атарот на општина Сарај“ кое минува низ неколку населени места на општината, Министерството за животна средина и просторно планирање информира дека во моментот се чека согласност од Владата на Република Северна Македонија по доставена Информација за измена на динамика и вредност на проектот на повеќегодишна јавна набавка за финансирање.

Министерот за животна средина и просторно планирање донесе УПАТСТВО за постапување на општините, општините во градоот Скопје и градот Скопје со напуштени или отпадни возила.

Почитувани, Ве покануваме на настан кој ќе се одржи денес, понеделник, 23 декември 2024 година, во 11:15 часот, во свечената сала на Владата на Република Северна Македонија. Настанот е по повод заедничка активност на Министерството за животна средина и просторно планирање и Министерството за енергетика, рударство и минерални суровини.

Ве информираме дека утре, (20.12. 2024), петок со почеток во 11:00 часот , првиот заменик-претседател на Владата и министер за животна средина и просторно планирање, г. Изет Меџити ќе го посети претпријатието Русино во Гостивар, каде ќе се сретне со менаџментот на претпријатието, и заедно ќе ја посетат депонијата Русино.

Почитувани медиуми, ве известуваме дека првиот потпретседател на Владата и министер за животна средина и просторно планирање, Изет Меџити утре (18.12.2024) со почеток во 11:30 часот во салата Аркадија, хотел Лимак во Скопје, ќе учествува на една конференција за иницијативата: „Еден милион садници за пет години“.

Почитувани медиуми, Ве известуваме дека првиот потпретседател на Владата и министер за животна средина и просторно планирање, Изет Меџити утре (18.12.2024) со почеток во 10:00 часот во Хотел Мариот во Скопје, ќе учествува на една конференција за квалитет на воздух.

Ве информираме дека денес, (17.12. 2024),вторник, со почеток во 14:00, првиот заменик-претседател на Владата и министер за животна средина и просторно планирање, г. Изет Меџити ќе биде дел од акцијата за засадување на дрвца кај новиот Мега Парк во општина Карпош.

во врска со настанатиот проблем со депонирањето на комуналниот отпад и управувањето со комуналната депонија во Општина Кочани, како вклучена страна во процесот на воспоставување на регионален систем за управување со отпад во Источен и Североисточен регион, информираме дека на ден 17.12.2024 (вторник) со почеток во 17h, во просториите на Мултикултурен центар во Општина Кочани, ќе се одржи средба на претставници од Министерството за животна средина и просторно планирање, претставници од Општина Кочани, Министерството за внатрешни работи, Центарот за социјални работи – Кочани и граѓаните.

Почитувани медиуми, Ве известуваме дека првиот потпретседател на Владата и министер за животна средина и просторно планирање, Изет Меџити денес (16.12.2024) во 10:00 часот на Универзитетот „Мајка Тереза“ во Скопје ќе учествува на трибината насловена „За студентски и универзитетски прашања“.