Министерот за животна срединаи просторно планирање Насер Нуредини оствари координативен состанок со проектната координаторка на Швајцарскиот државен секретаријат за економски работи (SECO), Франсоаз Саламe и регионалниот советник за животна средина и инфраструктура Клиф Хамер, на која разговараа за статусот на тековните проекти што се реализираат со швајцарска поддршка, како и за можностите за проширување на соработката во новата програмска рамка за соработка меѓу Северна Македонија и Швајцарија.
Се разговараше за можностите за проширување на соработката во делот на управувањето со водите, управувањето со отпад, но и можностите за соработка во делот климатски промени, праведна транзиција поврзана со процесот на декарбонизација и сл. Од страна на швајцарските претставници беше потврдена подготвеноста на Швајцарската Влада, како една од најголемите поддржувачи на нашата држава во заштита на животната средина, природата и во реализација на одржливи инфраструктурни проекти истата и понатаму да продолжи.