На денешната средба на министерката Шукова со претставниците на Технолошко-металуршкиот факултет од Скопје, се разменија низа предлози за употреба на нови технолошки решенија во повеќе сегменти од живеењето со цел намалување на производството на отпад (како употреба/реупотреба на отпадот од храна, употреба на нови композитни и нано материјали како материјали на иднината, постапувањето со градежниот, хемискиот и други видови на отпад) и серија други можности каде докажаниот стручен и експертски потенцијал на факултетот може да биде ставен во употреба.
Министерката Шукова изрази подготвеност за партнерство во спроведувањето на активностите, како и во партнерство и со другите засегнати страни (бизнис заедница и невладин сектор) и информира за статусот на апликацијата за вклучување на државата во Програмата живот на ЕУ.