МЖСПП ја поддржува новата платформа на Пивара и брендот СКОПСКО „Наша гордост. Наша Одговорност.“ Да ја покажеме моќта на заедништвото и да ги заштитиме националните обележја и животната средина

- Една од клучните мисии во заштитата на животната средина на Министерството за животна средина и просторно планирање е воспоставување на регионалниот систем за управување со отпад со што еднаш за секогаш ќе го решиме проблемот на расфрланиот смет низ државата и безбојните диви депонии што даваат грда слика на големото природно и културно богатство со кое оваа држава изобилува. Од таа причина ние како Министерство сме отворени за соработка и за поддршка на сите оние што сакаат да се вклучат во тој процес, било со конкретни активности, било со акции за подигнување и градење на свеста дека отпадот има свое место, дека секој отпад не е ѓубре и најголемиот дел има употребна вредност, а дека со градење на добри навики за постапување со отпадот придонесуваме за чиста животна средина, за зајакнување на економијата и најпосле и за заштита на сопственото здравје“ – изјави министерот за животна средина и просторно планирање Насер  Нуредини на прес конференцијата што се одржа во Пивара по повод лансирањето на новата долгорочна платформа за општествена одговорност „Наша гордост. Наша одговорност.“ на „Пивара Скопје“ и брендот Скопско.

МЖСПП ја поддржува новата платформа на Пивара и брендот СКОПСКО „Наша гордост

Главна цел на платформата е заштита на животната средина со фокус на чистењето од отпад на националните обележја и заштита од загадување.  

IMG_20221207_145147

Генералниот директор на Пивара Скопје, Горан Сладиќ, истакна дека сите заедно ја делиме одговорноста за да ги исчистиме и заштитиме од загадување природните и културните обележја на нашата земја.

- Пивара Скопје е компанија со стогодишна традиција, но целосно посветена на иднината и на одржливиот развој. Преку силата на нашиот најпознат македонски бренд – СКОПСКО, ја започнуваме долгорочната платформа „Наша гордост. Наша одговорност.“, која се фокусира на животната средина и повисоката цел која СКОПСКО како бренд ја има -  да ја поддржи заедницата, да ги обедини и инспирира луѓето заедно да делуваат за да го направиме светот подобар – рече тој, додавајќи дека овој проект целосно ги поддржува заложбите на Пивара за одржливост согласно платформата „Свет без отпад до 2030 година“, како и намалување на нето јаглеродните емисии на компанијата до 2040 година. 

IMG_20221207_145240

- Сакаме да потенцираме дека рециклирањето е еден од најлесно применливите модели од циркуларната економија кон која стремиме, а со селекцијата и рециклирањето на отпадот најбрзо и најлесно може да придонесеме како индивидуи кон спас на нашата земја и планета. Навистина сме горди што Пакомак е дел од овој проект, прв од многуте проекти кои ќе бидат инспирирани од визијата за позелена иднина. И како што вели нашиот слоган, би ги повикал граѓаните и компаниите да Селектираат Иднина и да нѐ поддржат во оваа наша заложба“ – рече извршниот директор на Пакомак, Филип Ивановски. 

IMG_20221207_145311

Првата фаза на реализација на целите на платформата „Наша гордост. Наша одговорност.“ опфаќа повеќе активности за чистење и заштита на Охридското Езеро, со целосна поддршка на  Министерството за животна средина и просторно планирање, Пакомак, општините Охрид, Струга и Дебрца, нуркачките клубови Амфора и Акватек, волонтерите од Пивара Скопје и Мен анд Маунтаин. Во акцијата за најава на платформата беа исчистени над 100.000 метри квадратни површина од отпад од дното и крајбрежјето на Охридското Езеро. 

За наредната година планирани се уште неколку акции за чистење, како и активности  за пошироко вклучување на заедницата, за јакнење на свесноста и заштита на националната гордост – Охридското Езеро. 

IMG_20221207_145059

Во годините кои следат Скопско ќе опфати и други национални обележја во нашата земја. Како поддршка на платформата потпишан е Меморандум за соработка меѓу МЖСПП и Пивара Скопје.