Заменик министерката за животна средина и просторно плaнирање Христина Оџаклиеска денес во просториите на Министерството за животна средина и просторно плaнирање одржа работен состанок со јапонски тим на експерти за отпадни води и заштита на природни езера предводени од Натсуки Хисаока, раководител на секторот за отпадни води во префектурата Шига и меѓународниот консултант и проект координатор за управување со отпадни води и трансфер на јапонска технологија за таа намена Такаши Кимура, директор на „Киџику консалтинг”.
На состанокот јапонската делегација изрази задоволство за продолжување на соработката која се надоврзува на посетата на стручен тим од Јапонија во 2019 година и беше изразена подготвеност за експертска помош и трансфер на знаење и технологија за одржливо управување и подобрување на квалитетот на водите во Охридското езеро, како меѓународно природно и културно наследство заштитено од УНЕСКО.
Заменик министерката Оџаклиеска ја поздрави заложбата на јапонската влада и Јапонската Агенција за меѓународна помош JICA, за контуинираната помош и соработка со нашата земја во различни проекти од областа на животната средина и истакна дека на нашата држава во овој клучен период на развој и е неопходна експертска помош од меѓународните партнери како Јапонија, за зачувување на природните вредности и одржување на квалитетот на водите на македонскиот бисер Охридското Езеро.