Ministri Nuredini mori pjesë në punëtorinë vjetore të Shoqatës Maqedonase për Menaxhimin e Mbeturinave të Ngurta (MaSWA) me temë: “Menaxhimi i qëndrueshëm i mbeturinave”, ku u diskutua për trendet botërore të menaxhimit të mbeturinave.
Ministri Nuredini theksoi rëndësinë e zhvillimit të sistemit të përzgjedhjes së mbeturinave, rolin e përpunuesve kolektivë të mbeturinave në këtë proces, si dhe zhvillimin e objekteve të riciklimit që i shndërrojnë mbeturinat në përfitime.
Gjatë vendosjes së sistemit rajonal të menaxhimit të mbeturinave komunat do të ndihmohen për sigurimin e kontejnerëve për përzgjedhjen e mbeturinave, si dhe mekanizmin e nevojshëm, por krahas kësaj duhet të zhvillohen shprehitë dhe ndërgjegjësimi i popullatës për pëzgjedhjen e mbeturinave.