Në kuadër të Projektit “Kthjellu” i cili zhvillohet nga Instituti për Studime të Komunikimit- ISK, u hartua dhe iu dorëzua Ministrisë së Mjedisit Jetësor dhe Planifikimit Hapësinor, draft tekst për Rregullore të metodologjisë dhe procedurës për përcaktimin e parametrave për matje dhe monitorim të kualitetit dhe kuantitetit të të gjithë shtretërve të ujrave përveç shtretërve të ujrave të definuara në nenet 148 nga Ligji për ujra.
Akti nënligjor i lartpërmendur sillet në përputhje me nenin 147 (4) nga Ligji për ujra (“Gazeta Zyrtare e Republikës së Maqedonisë” nr. 87/08, 6/09, 161/09, 83/10, 51/11, 44/12, 23/13, 163/13, 180/14, 154/15, 52/16 dhe (“Gazeta Zyrtare e Republikës së Maqedonisë” nr. 151/21).
Me qëllim të përfshirjes së publikut në përgatitjen e aktit nënligjor, Ministria e Mjedisit Jetësor dhe Planifikimit Hapësinor në web faqen e saj publikon tekstin e draft rregullores në mënyrë që të merr vërejtje dhe mendime për të njëjtin nga publiku dhe nga institucionet e përfshira.
Institucionet e përfshira:
- Organet e administratës shtetërore
- Ministria e Bujqësisë, Pylltarisë dhe Ekonomisë së Ujërave;
- Ministria e vetëqeverisjes lokale;
-Drejtoria për çështje hidrometeorologjike.
- Njësi të vetqeversijes lokale:
- BNJVL (Bashkësia e Njësive të Vetqeverisjes Lokale të RM-së)
- Ndërmarrjet dhe institucionet publike:
-Enti për Hidrobiologji.
- Institucionet shkencore
- Instituti për biologji dhe Instituti për kimi pranë Fakultetit matematiko- natyror, Shkup;
-Universiteti Goce Delcev, Shtip;
- Universiteti i Tetovës.
- Organizatat joqeveritare që veprojnë në fushën e mbrojtjes së mjedisit jetësor.
Mënyra e përfshirjes së publikut:
- publikimi i draft- aktit në web faqen e MMJPH;
- kërkesë të mendimit dhe zhvillim të mbledhjeve me palët e interesuara.
Vërejtjet, komentet dhe mendimet tuaja për aktet nënligjore të lartpërmendura mund ti dorëzoni më së voni deri më 20.11.2021, në mënyrë të shkruar tek arkiva e Ministrisë së Mjedisit Jetësor dhe Planifikimit Hapësinor, Sheshi Presveta Bogorodica nr.3, 1000 Shkup ose në formë elektronike në: dandonov@vs.edu.mk
Palët e interesuara versionin elektronik të draft tekstit për aktet nënligjore mund ta gjejnë në adresën që vijon: www.moepp.gov.mk.