МК – НИ 047-3

Индикаторот го покажува вкупниот број, бројот на ноќевања и просечниот престој на домашни туристи по години на ниво на држава и според статистичките региони.

• Број

Дали бројот на домашни туристи, ноќевањата и просечниот престој имаат развојна димензија?

Во поглед на домашната туристичка посетеност, вкупниот број на туристи во разгледуваниот период има минимален пораст од 4,6%. За жал, може да се забележи дека остварените ноќевања не ја следат туристичката посетеност и во разгледуваниот период има тренд на опаѓање од 13,2%. Просечниот престој на домашните туристи од 4,7 дена во 2000 година, се намалил на 4,5 дена во 2019 година, што претставува пад од 17%.

Гледано по статистички региони најголем број и ноќевања на домашни туристи има во Југозападниот регион, а најмал во Североисточниот регион.

Во однос на доаѓањето на домашни туристи по видови места, најголем број домашни туристи има во езерските места со 3.407.162 туристи, а најмал број во Скопје со 390.603 туристи. Во однос на ноќевањата на домашните туристи по видови места, најголем број ноќевања има во езерските места со 18.889.120 ноќевања, а најмал број во Скопје со 559.776 ноќевања.

 График 1. Вкупен број на домашни туристи и број на ноќевања

График 2. Просечен престој на домашни туристи

График 3. Број на домашни туристи и број на ноќевања според статистички региони

График 4. Доаѓања на домашни туристи по видови места во периодот од 2003 до 2019 година

График 5. Ноќевања на домашни туристи по видови места во периодот од 2003 до 2019 година

Опфат на податоци: excel

Извор на податоци: Државен завод за статистика, http://www.stat.gov.mk

Вкупниот број на домашни туристи во разгледуваниот период има минимален пораст од 4,6%. Во 2000 година има најголем број на домашни туристи, а во 2001 година има најмал број на туристи. Слични карактеристики бележат и остварените ноќевања од страна на домашните туристи, односно најголем број ноќевања е остварен во 2000 година, а во 2001 година има најмал број на ноќевања. За жал, може да се забележи дека остварените ноќевања не ја следат туристичката посетеност и во разгледуваниот период има тренд на опаѓање од 13,2%. И во поглед на просечниот престој, резултатите ги одразуваат овие односи, односно од 2007 до 2017 година има значителен пад во бројот на ноќевањата. Најмал просечен престој од 3,9 дена има во 2019 година, а најголем во 2003 година од 5,1 ден. Просечниот престој на домашните туристи од 4,7 дена во 2000 година, се намалил на 3,9 дена во 2019 година, што претставува пад од 17%.

Доминантен регион во поглед на дистрибуцијата на домашните туристи е Југозападниот регион што може да се оцени како поволност, но и нерамномерна дистрибуција. Следењето на овие показатели треба да овозможи следење на бројот на домашни туристи и во другите регионални целини како одраз на афирмацијата на елементите на животната средина во туристичката понуда на домашниот туристички пазар.

Исто така може да се види дека остварените ноќевања ја следат туристичката посетеност како одраз на атрактивноста на животната средина така што најголем број ноќевања има во Југозападниот регион. Следењето на ноќевањата ќе овозможи во која мерка регионалните целини ќе ја подобрат атрактивната основа како фактор за остварување на поголем број ноќевања.

Во однос на доаѓањето на домашни туристи по видови места, најголем удел во вкупниот број на туристи има во езерските места со 60,0%, потоа следат други места со 13,7%, планински места со удел од 12,9%, Скопје со 6,9% и најмал удел има бањските места со удел од 6,5% во вкупниот број на туристи.

• Методологија за пресметка на индикаторот

Податоците за туристите се добиени врз основа на редовните месечни извештаи на угостителските и другите деловни субјекти кои на туристите им даваат услуги за сместување, односно посредуваат во обезбедувањето на тие услуги. Извор на податоците се книгите за гости кои, според законските прописи, овие деловни субјекти задолжително треба да ги водат.