Nuredini: Mbështetja e vendeve të zhvilluara është e nevojshme për një tranzicion të drejtë të vendeve në zhvillim

ljubljana_3Ministri Naser Nuredini drejtoi sot sesionin e parë të Takimit jo-formal të Ministrave të Mjedisit të BE-së në Lubjanë, kushtuar negociatave ndërkombëtare për klimën dhe rrugës për në COP26, duke prezantuar ambicien kombëtare në rritje për të ulur emetimet e gazeve serë në 51% deri në 2030 krahasuar me vitin 1991, dmth një ulje neto prej 82%.

Nuredini theksoi nevojën për mbështetje nga vendet e zhvilluara për të arritur një zhvillim të qëndrueshëm të ekonomive më të vogla dhe vendeve të prekshme si e jona, veçanërisht në drejtim të arritjes së një tranzicioni të drejtë të energjisë, forcimit të kapacitetit njerëzor dhe ndërtimit të infrastrukturës.

Në seancën e sotme të ministrave të mjedisit të BE, në të cilën ishin ftuar edhe vendet kandidate, ata diskutuan për ruajtjen e pozicionit udhëheqës të BE-së në veprimet klimatike dhe negociuan hapat e duhura për të mundësuar një konferencë të suksesshme të vendeve anëtare të Konventës Kornizë e ndryshimeve klimatike në Glasgow, si dhe funksionalizimi përfundimtar i Marrëveshjes së Parisit.