Законот за инспекциски надзор во животната средина на јавна расправа

Zakon_za_inspekciski_nadzor_1Денес се одржа јавна расправа по нацрт Законот за инспекциски надзор во животната средина кој е еден од законите од ова област што е најдолго во постапка на донесување.

„Убеден сум дека решенијата кои се нудат во овој закон ќе овозможат надминување на одредени констатирани слабости во функционирањето на инспекциските служби, пред се во недостатокот на кадар и неговата континуирана специјализација“, изјави министерот Нуредини, дополнувајќе дека не помалку значајни за зајакнување на инспекцискиот надзор се соработката на централно и локално ниво, заради координирано и навремено дејствување и обезбедување на соодветна заштита на медиумите и областите на животната средина.

Директорката на државниот инспекторат за животна средина Ана Петровска посочи дека предлог Законот за инспекциски надзор во животната средина треба овозможи донесување и користење алатки за стандардизација на надзорите и соработка помеѓу надлежните институции.

„Инициран е процес што ветува надополнување на одредбите на Законот за инспекциски надзор со специфики карактеристични за животната средина“ рече Петровска, нагласувајќи дека е важно истиот што поскоро да заврши со квалитетно законско решение.

Според Драгана Черепналковска од Секторот за Европска Унија во МЖСПП, спроведувањето на инспекцискиот надзор е значаен показател за процесот на спроведување на законодавството од областа на животната средина. Овој предлог Закон е подготвен уште во 2016 година во рамките на ЕУ твининг проект, а постапката за донесување е започувана во неколку наврати. Законот е произлезен од потребата сите барања од ЕУ директивите во однос на инспекторирањето да се вметнат на едно место. Законот опфаќа повеќе важни сегменти што ги следат промените во инспекцискиот надзор што се случија во измнатиов период. Главни прашања кои се уредуваат во педлог Законот се организација на инспекцискиот надзор во животната средина, планирање на инспекции во животна средина, почнувајќи од планирање и спроведување на инспекциски надзор во животната средина, надзор над законитоста на работата на органите на единиците на локална самоуправа .

На јавната расправа се отвори конструктивна дискусија од страна на присутните, меѓу кои имаше претставници на повеќе граѓански организации и општини и беа изнесени забалешки и коментари во насока на подобрување на предлог Законот.