MMJPH

Njoftim

Administrator MZSPP — Fri, 30 Jul 2021 14:10:48 +0000

Duke identifikuar nevojën për luftë efektive kundër korrupsionit, Ministria e Mjedisit Jetësor dhe Planifikimit Hapësinor ka ndërmarrë një sërë aktivitetesh prioritare që synojnë përmirësimin e profesionalizmit të zyrtarëve dhe respektimin e vazhdueshëm të legjislacionit si dhe sanksionimin e të gjitha formave të sjelljes korruptive.

Në përputhje me Planin vjetor për parandalimin e korrupsionit të Ministrisë së Mjedisit Jetësor dhe Planifikimit Hapësinor me nr. arkivor 12-2458 / 1 nga 28.04.2021, është krijuar një linjë telefonike për raportimin e korrupsionit në institucion me qëllim të forcimit të besimit të qytetarëve.

Në numrin e mëposhtëm të telefonit mund të dërgoni ankesat, kritikat dhe sugjerimet tuaja në lidhje me punën e Ministrisë:02 / 3251-448.

.

Administrator MZSPP — Thu, 22 Oct 2020 12:00:37 +0000

(Kumtesë) Vënia zyrtare në përdorim e stacionit të monitorimit të cilësisë së ajrit në Gjevgjeli

Administrator MZSPP — Wed, 14 Oct 2020 11:14:43 +0000

Të enjten, 15 tetor 2020 do të organizohet vënia zyrtare në përdorim e stacionit të ri të monitorimit të cilësisë së ajrit. Ceremonia do të mbahet para stacionit i cili është i vendosur në afërsi të Kopshtit “Detska Radost” – kloni “Luledielli”, në rrugën Risto Janev në Gjevgjeli, duke filluar nga ora 12.

Fjalime të tyre do të kenë ministri i Mjedisit Jetësor dhe Planifikimit Hapësinor Naser Nuredini, ministri i Vetëqeverisjes Lokale Goran Milevski, shefi i Delegacionit të Bashkimit Evropian Dejvid Gir dhe kryetari i komunës së Gjevgjelisë Sasho Pockov.

Furnizimi i stacionit të monitorimit u realizua në kuadër të projektit “Zhvillimi dhe zbatimi i një indeksi shëndetësor për ndotjen e ajrit në periudhën ndërkufitare”, i financuar nga programi INTERREG IPA për bashkëpunimin ndërkufitar midis Greqisë dhe Republikës së Maqedonisë së Veriut 2014-2020.

Stacioni i monitorimit do të jetë pjesë e Sistemit Shtetëror të Monitorimit Automatik për Cilësinë e Ajrit të Ambientit, i menaxhuar nga Ministria e Mjedisit Jetësor dhe Planifikimit Hapësinor.

I ftojmë gazetarët dhe fotografët të marrin pjesë në këtë ngjarje, ku është e detyrueshme të ndiqni protokollet shëndetësore për organizimin e ngjarjeve publike (https://vlada.mk/protokoli-koronavirus), që do të thotë mbajtja e distancës, mbajtja e detyrueshme e maskave mbrojtëse dhe dezinfektimi .