1. Назив на Министерството: Министерството за животна средина и просторно планирање
Министерството за животна средина и просторно планирање во рамките на ЕУ Твининг Проект „Зајакнување на административните капацитети за спроведување на Рамковната Директива за отпад и директивите за посебните видови на отпад (пакување, батерии и отпад од електрична и електронска опрема)“ започна со изработка на нов закон за управување со отпад.
2. Проблем: При анализа на состојбата со управување со отпадот во Република Македонија како главни проблеми за управување со отпадот беа утврдени следните:
- неусогласеност на Законот за управување со отпадот и прописите кои произлегуваат од него со барањата кои произлегуваат од новите измени на правото на ЕУ од областа на отпадот, особено во дефинициите за отпадот;
- преклопување на дел од надлежностите на институциите во управувањето со отпадот и усогласување на на истите помеѓу централната и локалната власт;
- недоволна имплементација на прописите за управување со отпад;
- делумно спроведување на економските мерки кои имаат за цел воспоставување на системот за искористување на отпадот;
- недостаток од соодветна инфраструктура за управување со отпадот.
- Цел: Главна цел на новиот закон за управување со отпад е воспоставување на ефикасен систем за управување со отпад со кој ќе се овозможи минимизирање на негативните влијанија на создавањето и управувањето со отпадот врз човековото здравје и животната средина преку почитување на хиерархијата на отпад.
За исполнување на целта е потребно исполнување на следните подцели:
- воспоставувањето на деловни односи како давател и корисник на услуга меѓу општината и јавните служби (на локално и регионално ниво), со цел да се постигне оптимален однос меѓу квалитетот на услугата и надоместокот што се плаќа за услугата и што се побарува од населението.
- воспоставување на економските мерки кои се од клучно значење за идниот развој и долгорочната одржливост на услугите на управување со отпад, т.е. враќањето на трошоците и финансирањето на инвестициите и услугите поврзани со отпадот, воспоставување на економските и финансиските инструменти за регулирање на активностите за намалување/рециклирање на отпадот и подобрувањето на инвестициите и на ефикасноста на услугите преку конкуренција и вклучување на приватниот сектор во системот за управување со отпад.
- Временска рамка за изготвување на законот:
- Декември 2017 година – почеток на подготовката на законот и подготовка на извештај за проценка на влијанието врз регулативата;
- Февруари 2018 година – финализирање на прва работна верзија на законот и првата нацрт верзија на извештајот за проценка на влијанието врз регулативата;
- Март 2018 година – објава на првата нацрт верзија на текстот на законот и нацрт верзија на извештајот за проценка на влијанието на регулативата на веб страната на Министерство за животна средина и просторно планирање за доставување на коментари и забелешки по истата;
- Април – Мај – организирање на состаноци, јавна расправа, разгледување на доставените забелешки од страна на МЖСПП и работните групи и внесување на доставените забелешки;
- Јуни 2018 година – Објава на втора нацрт верзија на законот на веб страната на МЖСПП и нацрт изветшајот за ПВР и
- доставување до Владата на Република Македонија – Септември 2018 година.
Паралелно со подготовката на текстот на законот ќе се работи на подготовка и на извештај за процена на влијанието на регулативата.
5. Засегнати страни:
- Органи на државна управа :
- Министерство за транспорт и врски;
- Министерство за здравство;
- Министерство за локална самоуправа;
- Министерство за економија;
- Министерство за труд и социјална политика;
- Министерство за информатичко општество и администрација;
- Министерство за земјоделство, шумарство и водостопанство;
- Заменик претседател на Владата на РМ задолжен за економски прашања;
- Секретаријат за европски прашања;
- Царинска управа
- Агенција за храна и ветерина
- Единици на локална самоуправа
- Општини во РМ (80 општини и градот Скопје)
- ЗЕЛС (Заедница на единици на локална самоуправа)
- Јавни комунални претпријатија на територијата на РМ
- Меѓуопштински одбори за управување со отпад
- Стопански Комори
- Стопанска Комора на РМ
- Сојуз на Стопански комори
- Стопанска Комора на Северозападна Македонија
- Колективни постапувачи (КП)
- КП за постапување со пакување и отпад од пакување
- КП за постапување со електрична и електронска опрема и отпад од електрична и електронска опрема
- КП за постапување со батерии и акумулатори
- Невладини организации кои делуваат во полето на заштитата на животната средина
6.Начин на вклучување на засегната јавност:
Во рамките на проектот се формирани повеќе работни групи за одделни текови на отпад.
Во подготовката на рамковниот закон за управување со отпад значајна е ангажираноста на сите работни групи и тоа:
Работна група | Членови |
Работна група за текстил | - Стопанска комори: Стопанска комори на РМ, Сојуз на северозападна македонија и Сојуз на стопански комори, Текстилно трговско здружение на Македонија – Текстилен кластер
- НВО Епицентар - Министерство за финансии - Царина |
Работна група за превенција на отпад | - МЖСПП
- НВО – Ајде Македонија, Планктониум, Центар за климатски промени, ОХО, Биди зелен - Факултети – Машински и Економски, Американ Колеџ |
Работна група за гуми | - МЖСПП
- Фени индустри - Автокуќа Заковски - SUNILENS - ФПМ Минол Штип - Еко тим Скопје - Екоцентар 97 Скопје - Депонија Дине, Велес - Центар за рециклажа |
Работна група за електрична и електронска опрема и отпад од електрична и електронска опрема | - МЖСПП
- Колективни постапувачи: Елколект, Нула отпад, Екон електрон - OBA- IVAL Trade |
Работна група за пакување и отпад од пакување | - МЖСПП
- Колективни постапувачи – Еуроекопак, Еко-пак хит и Пакомак |
Работна група за податоци | МЖСПП |
- Електронска адреса каде засегнатите страни ќе можат да ја преземат електронската верзија на предлог на законот и нацрт Извештајот за ПВР:
http://wmtwinning.moepp.gov.mk
- Адреса и/или електронска адреса каде ќе можат да се достават мислењата, забелешките и сугестиите:
- Одговорно лице за контакт во министерството:
Ана Мазнева Каранфиловска, раководител на Сектор за управување со отпад
email: A.Mazneva@moepp.gov.mk
Јадранка Иванова, раководител на Сектор за ЕУ
email: J.Ivanova@moepp.gov.mk