„Езеро од јаболка“ повторно се закити со уште една награда

festival_nagradaТоплата филмска приказна „Езеро од јаболка“ е прогласен за најдобар филм во категоријата „Екологија“ на меѓународниот филмски фестивал Greennagrada Montenegro International Film Fest (GMIFF) кој од 14 до 16 декември се одржа во Црна Гора.

Филмот претставува приказна за успесите на петнаесетгодишниот проект за заштита на Преспанското Езеро кој се спроведува во партнерство на Министерството за животна средина и просторно планирање, УНДП, Општина Ресен и Швајцарската агенција за соработка и развој.

Во овој филмски проект во режија на Љубо Стефанов и Тамара Котевска доловена е трансформацијата на односот кон животната средина со што се обновуваат виталните функции на екосистемот на Преспанското Езеро – едно од најстарите слатководни екосистеми на Земјата, кадешто живеат повеќе од 2000 видови растенија и животни од кои голем број се ендемични.

Филмот „Езеро од јаболка“ досега бил претставен на повеќе меѓународни фестивали каде што има освоено бројни награди.

Исто така, во рамките на фестивалот во Црна Гора, посебниот советник за животна средина и просторно планирање во Владата на Република Македонија, Драган Јованов, доби признание за придонес во образованието од областа животна средина.

На овогодинешниот фестивал претставени беа филмови на теми поврзани со заштитата на животната средина од преку 40 држави од светот. Целта на фестивалот е преку уметничкиот импулс да се развива свеста и да се унапредување знаењето околу заштитата и зачувување на животната средина.