(05.02.2019) Sot, në Spitalin Special për Obstetrikë dhe Gjinekologji “Nëna Tereza” në Çair u promovuan dhjetë pastrues të ajrit që tashmë janë instaluar në kaldaja në objekt, dhe të njëjtat janë donacion nga kompania “Blue Air”, e specializuar në prodhimin e pastruesve të ajrit në ambientet rezidenciale dhe të zyrave.
Në ngjarje morën pjesë zëvendësministri i Mjedisit Jetësor dhe Planifikimit Hapësinor Jani Makraduli, Ministri i Shëndetësisë Venko Filipce dhe menaxheri për Evropën nga kompania “Blue Air” Aleksander Provins.
Sipas Makradulit, lufta për ajër të pastër është një aktivitet i vazhdueshëm i Qeverisë dhe vendosja e sotme e dhjetë filtrave me vlerë prej 10.000 euro në gjinekologjinë e Çairit është brenda programit të investimeve për realizimin e Planit për ajër të pastër të Qeverisë.
Ky është një sistem inteligjent i integruar në rrjet, i cili njëkohësisht regjistron emetimin e gazrave të dëmshme dhe i filtron ato, e gjithë kjo monitorohet në kohë reale – tha Makraduli në fjalimin e tij.
- Ministria e Shëndetësisë po punon intensivisht për të ndryshuar sistemin e ngrohjes në institucionet shëndetësore publike dhe ky institucion është një nga prioritetet. Duke vepruar kështu, ky është një shembull i mirë i një kompanie të përgjegjshme shoqërore – tha ministri Filipçe.
Ai shtoi gjithashtu se tashmë është përgatitur një projekt themelor për rindërtimin e dhomës së kaldajës me pajisje të reja të makinerisë me përdorimin e gazit dhe për momentin ekziston një procedurë për përgatitjen e dokumentacionit të tenderit.
Në kuadër të aktiviteteve për ndryshimin e sistemeve të ngrohjes nga mazuti në gaz janë shpallur për disa institucione shëndetësore publike, ndër prioritare janë spitalet e përgjithshme në Kumanovë dhe Strumicë për të cilat është njoftuar se në sezonin e ardhshëm të ngrohjes ata do të jenë të gatshmeqë të ngrohen me gaz.